“മിനിലോകം”

ഞാന്‍ മിനി... എന്റെ മനസ്സ് എന്റെ ലോകമാണ്. എന്റെ മനസ്സില്‍(ഓര്‍മ്മയില്‍) തങ്ങിനില്‍ക്കുന്ന കാര്യങ്ങള്‍,വേണ്ടതും വേണ്ടാത്തതും ഞാന്‍ ഇവിടെ പകര്‍ത്തുന്നു. ഇതു വായിക്കാം, അഭിപ്രായം എഴുതാം. ജീവിതത്തില്‍ നിന്നും ഞാന്‍ കണ്ടെത്തിയ ധാരാളം ചെറിയ‘വലിയ’ സംഭവങ്ങള്‍ ഉണ്ട്. അവയെല്ലാം ചിത്രങ്ങളോടൊപ്പം ഇവിടെ അവതരിപ്പിക്കുന്നു. എന്റെ ലോകത്തേക്ക് “മിനിലോക”ത്തിലേക്ക് ഞാന്‍ നിങ്ങളെ സ്വാഗതം ചെയ്യുന്നു... ചിരിക്കാം, കളിക്കാം, ചിന്തിക്കാം... എന്ന് നിങ്ങളുടെ: mini//മിനി

May 14, 2009

19. Beach Festival 2009 - Muzhappilangad Beach !!!

നിങ്ങള്‍ക്ക് സ്വന്തം വാഹനത്തില്‍ കുടുംബസമേതം വന്ന് കടല്‍ത്തീരത്ത് കൂടി വെള്ളത്തിലും കരയിലുമായി വാഹനയാത്ര ചെയ്യുന്നതോടൊപ്പം സൂര്യാസ്തമയവും കാണണമെങ്കില്‍ ഇവിടെ വരിക…
മുഴപ്പിലങ്ങാട് കടല്‍ത്തീരം…, സഞ്ചാരികളെ വിളിക്കുന്നു....
നാല് കിലോമീറ്റര്‍ ദൈര്‍ഘ്യമുള്ള ഈ കടല്‍തീരത്ത് കൂടി ഏത് തരം വാഹനവും ഓടിക്കാം..ഡ്രൈവ്-ഇന്‍-ബീച്ച്…
ഇവിടെയുള്ള വെള്ള മണല്‍ (പൂഴി) മറ്റു കടല്‍തീരങ്ങളില്‍ നിന്നും വ്യത്യസ്തമാണ്. വേലിയേറ്റ സമയത്ത് വെള്ളം കയറി തീരം നനയുമ്പോള്‍ മണലിന് ഉറപ്പ് കൂടുന്നു. ഈ സൂത്രം പഠിച്ച് നമ്മുടെ റോഡ് നിര്‍മ്മാണത്തിന് ഉപയോഗിച്ചു കൂടെ?
സൌമ്യവും ശാന്തവുമായ കടലില്‍ അല്പം പോലും ഭയമില്ലാതെ കൊച്ചു കുട്ടികള്‍ക്കും മുതിര്‍ന്നവര്‍ക്കും ഒരുപോലെ കുളിച്ച് (കളിച്ച്) ആസ്വദിക്കാം.
കണ്ണൂര്‍-തലശ്ശേരി വഴി റോഡ് മാര്‍ഗവും റയില്‍ മാര്‍ഗവും എളുപ്പത്തില്‍ എത്തിച്ചേരാനാവുന്ന മുഴപ്പിലങ്ങാട് തീരം അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള ശ്രമത്തിന്റെ ഭാഗമായാണ് മേയ് 1 മുതല്‍ 20 വരെ നടക്കുന്ന ബീച്ച് ഫസ്റ്റിവല്‍. ലക്ഷക്കണക്കിന് ആളുകളാണ് ഫസ്റ്റിവല്‍ ദിവസ്സങ്ങളില്‍ ഇവിടെ എത്തുന്നത്.
കടലിലെ സാഹസിക യാത്ര, ഉല്ലാസ യാത്രകള്‍, കുട്ടികളുടെ വിനോദ പരിപാടികള്‍, കലാ-സാംസ്ക്കാരിക പരിപാടികള്‍, പ്രദര്‍ശനങ്ങള്‍ എന്നിവയെല്ലാം ആഘോഷത്തിന്റെ ഭാഗമായി ഇവിടെ ഒരുക്കിയിട്ടുണ്ട്.
സായാഹ്നങ്ങളില്‍ വിശ്രമിക്കാനും കാറ്റുകൊള്ളാനുമായി അനേകം പേര്‍ നിത്യേന മുഴപ്പിലങ്ങാട് ബീച്ചില്‍ എത്തിച്ചേരാറുണ്ട്. (കൂടുതല്‍ ചിത്രങ്ങള്‍ മിനി ചിത്രശാലയില്‍)
… സുന്ദരമായ മുഴപ്പിലങ്ങാട് തീരം…
ഈ മനോഹര തീരം…
നിങ്ങളെ കാത്തിരിക്കുന്നു.

4 comments:

  1. നന്നായിട്ടുണ്ട്. ഞാനും വരാറുണ്ട് എല്ലാ വർ‌ഷവും.

    ReplyDelete
  2. really interesting .. packed with a wonderful sense of humor... not just this post .. even your profile ..
    its an amazing lokam, this minilokam!

    ReplyDelete
  3. oro blogum onninonnu mecham. avarthana virasatha illa...chila bloge site pole...

    ee humor sense .. appozhum kattu sookshikkanam... only rare people have that quality...keep it up.

    ReplyDelete
  4. മുഴുപ്പിലങ്ങാട് ബീച്ച് ശരിക്കും ആഘോഷിക്കേണ്ട ഒരു ബീച്ചുതന്നെയാണ്. കേരളത്തില്‍ വേറെങ്ങും ഡ്രൈവ് ഇന്‍ ബീച്ച് ഇല്ലല്ലോ .

    ReplyDelete

എന്റെ മനസ്സിലെ ഈ കൊച്ചു മിനിലോകത്തിലേക്ക് എല്ലാവര്‍ക്കും സ്വാഗതം.