തിരയും തീരവും ഒന്നിച്ചാല്‍
കണ്ണൂര്‍ ജില്ലയിലെ കിഴുന്ന ബീച്ചില്‍ നിന്നും ഒരു മണിക്കൂര്‍ യാത്ര ചെയ്താല്‍ അറബിക്കടലിലേക്ക് തള്ളി നില്‍ക്കുന്ന ചേരക്കല്ലില്‍ എത്താം. ശാന്തമായ അന്തരീക്ഷത്തില്‍, ഈ പാറകളില്‍ വിശ്രമിച്ച് , തിരമാലകളുടെ സംഗീതം കേട്ട് ,കടല്‍ക്കാറ്റേറ്റ് ,സൂര്യാസ്തമയം കാണാം. നാട്ടുകാര്‍ക്ക് ഓണം വിഷു തുടങ്ങിയ വിശേഷ ദിവസങ്ങള്‍ കൂടാതെ സന്തോഷം തോന്നുമ്പോഴോക്കെ കുടുംബസമേതം ഉല്ലാസയാത്ര പോകാനുള്ള പ്രധാന കേന്ദ്രമാണിത്.
ചേരക്കല്ല് എന്ന പേര് വന്നത് പണ്ട് ചേരമാന്‍ പെരുമാള്‍ മക്കത്ത് പോവാനായി കപ്പല്‍ കയറിയത് ഇവിടെ നിന്നാണെന്നു പറയപ്പെടുന്നു. അസ്തമയ സൂര്യന്റെയും അറബിക്കടലിന്റെയും സൌന്ദര്യം പൂര്‍ണ്ണമായി ആസ്വദിക്കാന്‍ ഇവിടെ നിന്നു കഴിയും. കൂടുതല്‍ ചിത്രങ്ങള്‍ കാണാന്‍ ..http://mini-chithrasalaphotos.blogspot.com/.
ചേരക്കല്ലിനു സമീപം വിനോദസഞ്ചാരികള്‍ക്കു താമസിക്കാനായി ഇപ്പോള്‍ പ്രത്യേക സൌകര്യങ്ങള്‍ ലഭ്യമാണ്. ഇവിടെ നിന്നും അല്പം അകലെയായി ഭക്തജനങ്ങള്‍ വിളക്കുകള്‍ കത്തിച്ചു വെച്ച യോഗീശ്വരന്റെ ഗുഹയും സന്ദര്‍ശിക്കാം. കടലിന്റെയും കാറ്റിന്റെയും താരാട്ട് കേട്ടുകൊണ്ട് ജീവിതത്തിന്റെ തിരക്കുകളില്‍ നിന്നും അകന്ന് ഈ തീരത്തുകൂടി നടക്കുന്നത് രസകരമായ അനുഭൂതിയാണ്.
No comments:
Post a Comment
എന്റെ മനസ്സിലെ ഈ കൊച്ചു മിനിലോകത്തിലേക്ക് എല്ലാവര്‍ക്കും സ്വാഗതം.